2008-05-13

Thomas火車頭

舊相一張,家中路軌鋪滿地行都無位行是家常便飯

要說這個年頭最受幼兒歡迎的卡通人物,必定非Thomas火車頭莫屬。我沒見過有幼兒(男孩子啦)不狂愛Thomas的!

我家少爺仔自兩歲多開始就成為超級Thomas迷,幾乎要儲齊各款火車頭character的車仔,數目絕對能開一整間車房的境界(全由公公提供)。見親公公婆婆的開場白口頭禪是:「買Thomas!買Thomas!」每次來到公公婆婆家,家中電視就變成Thomas專屬頻道,地板上長期攤著藍色路軌,幾架火車長期行走中,無論他有沒有在玩,總之就是不能關上。

我見NDS出了Thomas小火車的遊戲,便帶來給少爺仔玩玩。此遊戲的目標玩家也是幼兒,主要是學習簡單英語及數學。雖然遊戲是日文的,雖然英文或數學的程度對少爺仔來說都太easy了(少爺仔正在學的生字可是連小阿e也不識的!!),少爺仔果然一見是Thomas就馬上沉迷其中抓著NDS不放,乖乖坐上一兩小時完全不是問題,完全不吵又不嘈仲玩到kit kit笑,簡直從未如此乖過。看見少爺仔和大朋友兩個人親親密密的痴埋一舊打機就覺得好可愛。(當然,離開時要收回NDS的反抗聲也是無比淒厲)

鳴謝Thomas遊戲,拯救了許多瀕臨崩潰的家長。(頒獎)

因為少爺仔令家中電視變了Thomas專屬頻道,令我也看過不少Thomas火車頭卡通(不能轉台的啊 丌_丌),怎樣看每集都是不同的火車在行駛、傾偈和霎氣(?),實在無法理解為何會如此大紅。

會講話的車卡通,還是以前有套《鬼馬呠呠車》,黃色的彭彭得意有趣多啦!我細個時常常好恨有一架彭彭可以載我周圍去玩啊!又不用自己費神駕駛,又有個伴傾傾偈~(完全暴露了自己年齡了……)


彭彭太得意啦!

忘記了為何片尾有不同交通工具,是彭彭會變身,還是他的朋友/家人?

14 則留言:

匿名 說...

我幼稚園果時都有睇過呀!!!!!!!!

上左小一, 個保姆車車長姓彭, 我話佢係彭彭砵砵車, 佢就即刻好嬲

匿名 說...

睇過一次thomas動畫
講架車頭同車卡鬧交
見到佢地(車車們)七情上面個樣就笑到肚痛>u<

不過,我覺得thomas個樣有點猙獰呢=.="都唔明小朋友點解唔驚....我都係鍾意新幹線多d
yeah~

匿名 說...

唔講都唔記得,細個自己都好鍾意睇呢套卡通片呀~不過內容已經忘記得一乾二淨..

史力加

nana 說...

我很不喜歡Thomas火車頭... 但見到你說沒有幼兒不喜歡Thomas火車頭... 難道我的小王子真的會喜歡上Thomas火車頭?!

oh... no!!!!!>.<

Stephanie 說...

報告:
我早幾日坐巴士入元朗,經過八鄉o個頭見到個著住黑衫黑色賴屎牛仔褲兼金毛的疑似黑道人士落車,佢手上竟然拎住本《50個女生想男生知道的心事》!(大驚)
帶銀的讀者層面果然非常之廣!hahaha!
報告完畢。

gogo 說...

有幾jack~我都係睇鬼馬bubu車架~我地係同年齡層哇~(拍臂)XDDDDDD

青蛙 說...

可是...我覺得thomas 火車的樣子很恐怖啊...
小時候每次看到我都會立即轉台的+_+

說...

自從仔仔上學後,我已經把家裡的終極 thomas 路軌靜靜收起,只剩下幾件路軌,我家小子才可以把這個小情人鍾愛度慢慢降溫,然後,家裡的頻道亦可以由 thomas 轉去有線的 baby first,汗!

不過,之後就變成每見扭蛋機必扭計要扭 thomas,其他用品更最好有 thomas 樣,有次我把一件 thomas 衫放在梳化諗住等一陣幫佢著,點知佢一見到就指著件衫「嘩~呢件衫咁靚既,你買比我架!」,然後就好高興咁想自己著,簡直和我們見到珠寶手飾咁興奮呀!

我估呢,如果少爺仔和仔仔來個 thomas 相聚,一定會變成知心好友呀!大家如數家珍咁曬身家都似!XDDDDD(不過有個咁懶既阿媽懶帶佢出街,阿仔想和智趣相投既人見面都好難)

匿名 說...

我睇小司機noddy的:p

說...

匿名朋友A:哎呀,點解嬲呀,細蚊仔咁講其實是表示對他很親切嘛~

匿名朋友B:是啊,真的是集集都是一些火車在霎氣的!好不解呀呀呀~~~

新幹線都幾得意呀,不過可能香港無新幹線,新幹線又好似無卡通片,所以D小朋友投入唔到啦。

史力加:內容好像是彭彭去搵媽媽的,又猛咁俾個衰人要捉佢。

nana:不過我覺得鍾意火車都總比鍾意刀刀槍槍超人呀果d成日打打殺殺的意識健康dd啦。不用太擔心啦,可能到小王子大少少時都唔興Thomas了(雖然機會好渺茫…)

Stephanie:呵呵呵呵呵,無論什麼層面的男生都需要知道女生心事的嘛^0^

gogo:唉,得你明白我咋(緊握雙手)

青蛙:佢有幾架車個樣真係好惡下的!

雲:雲師奶,我知道你最明白我了(握手)。因為係我有份推你落火坑的XD

你好成功呀令仔仔降溫呀!我好喜歡睇仔仔講野,成日都咁好笑既~

我驚如果d孩子太「智趣相投」會演變成爭玩具的!雖然論Size天仔可能唔夠仔仔打(明明年齡較大),但論野蠻同撒賴一定超過呀!到時我實唔爭住天仔的XD,因為佢真係好曳!!

匿名朋友C:小司機noddy是什麼啊?我不識呀~~~~(起勢擰頭ING)

已脫離童年很久的師奶仔上

路人甲=] 說...

今天跟朋友一起才說到thomas超醜的說!!!!
不明白為什麼灰臉的火車頭會說人話,還是有眼耳口鼻的人樣...(!!!!!!)

呠呠車可愛得多了!!!>v<

說...

路人甲:其實講起樣衰,我之前成日都覺得果幾隻「天線得得B」是無敵樣衰和得人驚的!好在少爺仔好似唔睇,佢地而家係咪唔紅啦?

我覺得日本的卡通人物是可愛過外國的,彭彭黃色是很可愛啦:)

路人甲=] 說...

我想天線低低b應該不紅吧....
我不知呢...
但!!!
有一次回大陸..我看到有(高音)普通話版的天線低低b(!!)小朋友很愛看(!!!!)
天線低低b真的很可怕~~~

Shirley 說...

我睇過 "乖乖呠呠車" 無睇過 "彭彭砵砵車"噃.. 不過我諗都好相似..因為"乖乖呠呠車" 入面係個車車載著個baby 去街架~